Главная » Молитвы » Благоверный князь Александр (в схиме Алексий) Невский
Православный Церковный календарь Календарь на год ► О календаре Богослужения Библейские чтения Календарь Дни особого поминовения усопших 2017 Дни поминовения новопреставленных Подписка (adsbygoogle = window.

Благоверный князь Александр (в схиме Алексий) Невский

Православный Церковный календарь

Календарь на год ►

О календаре

Богослужения

Библейские чтения

Календарь

Дни особого поминовения усопших 2017

Дни поминовения новопреставленных

Подписка



Благоверный князь Александр (в схиме Алексий) Невский

Дни памяти:

10 сентября (переходящая) Собор Нижегородских святых

25 июня (переходящая) Соборы Новгородских и Санкт-Петербургских святых

3 июня Собор Карельских святых

5 июня Собор Ростово-Ярославских святых

6 июля Собор Владимирских святых

1 декабря Собор святых Эстонской земли

Статьи о блгв. кн. Александре Невском

Свяshy;той блаshy;гоshy;верshy;ный веshy;лиshy;кий князь Алекshy;сандр Невshy;ский роshy;дилshy;ся 30 мая 1220 г. в гоshy;роshy;де Пеshy;реяshy;славshy;ле-Заshy;лесshy;ском. Отец его, Яроshy;слав, в Креshy;щеshy;нии Феshy;оshy;дор, был младshy;шим сыshy;ном Всеshy;воshy;лоshy;да III Больshy;шое Гнезshy;до. Мать св. Алекshy;сандра, Феshy;оshy;доshy;сия Игоshy;ревshy;на, ряshy;занshy;ская княжshy;на. В 1227 г. князь Яроshy;слав по просьshy;бе новshy;гоshy;родshy;цев стал княshy;жить в Новshy;гоshy;роshy;де Веshy;лиshy;ком. Он взял с соshy;бой сыshy;ноshy;вей, Феshy;доshy;ра и Алекshy;сандра.

Восshy;польshy;зоshy;вавshy;шись наshy;шеshy;ствиshy;ем Баshy;тыя, полshy;чиshy;ща креshy;стоshy;носshy;цев вторгshy;лись в преshy;деshy;лы Отеshy;чеshy;ства. Перshy;выshy;ми быshy;ли швеshy;ды. Мноshy;жеshy;ство коshy;рабshy;лей поshy;доshy;шло к Неве под коshy;манshy;доshy;ваshy;ниshy;ем ярshy;ла Бирshy;геshy;ра. Св. Алекshy;сандр, ему не быshy;ло тоshy;гда еще 20 лет, долshy;го моshy;лилshy;ся в храshy;ме Свяshy;той Соshy;фии. Арshy;хиshy;епиshy;скоп Спиshy;риshy;дон блаshy;гоshy;слоshy;вил св. княshy;зя и воshy;инshy;ство его на брань. Выйshy;дя из храshy;ма, Алекshy;сандр укреshy;пил друshy;жиshy;ну исshy;полshy;ненshy;ныshy;ми веshy;ры слоshy;ваshy;ми: «Не в сиshy;ле Бог, а в правshy;де. Иные с оруshy;жиshy;ем, иные на коshy;нях, а мы имя Госshy;поshy;да Боshy;га наshy;шеshy;го приshy;зоshy;вем!» С небольshy;шой друshy;жиshy;ной князь поshy;спеshy;шил на враshy;гов. Но быshy;ло чудshy;ное предshy;знаshy;меshy;ноshy;ваshy;ние: стоshy;явshy;ший в морshy;ском доshy;зоshy;ре воshy;ин виshy;дел на расshy;свеshy;те 15 июля лаshy;дью, плыshy;вуshy;щую по моshy;рю, и на ней св. муshy;чеshy;ниshy;ков Боshy;риshy;са и Глеshy;ба в одежshy;дах багshy;ряshy;ных. Алекshy;сандр, ободshy;ренshy;ный, муshy;жеshy;ственshy;но поshy;вел с моshy;литshy;вой войshy;ско на швеshy;дов. «И быshy;ла сеshy;ча веshy;лиshy;кая с лаshy;тиshy;няshy;наshy;ми, и пеshy;реshy;бил их бесshy;чисshy;ленshy;ное мноshy;жеshy;ство, и саshy;моshy;му предshy;воshy;диshy;теshy;лю возshy;лоshy;жил пеshy;чать на лиshy;цо остshy;рым коshy;пьем;. За эту поshy;беshy;ду на реshy;ке Неве, одерshy;жанshy;ную 15 июля 1240 г., наshy;род наshy;звал св. Алекshy;сандра Невshy;ским.



Опасshy;ным враshy;гом остаshy;ваshy;лись немецshy;кие рыshy;цаshy;ри. В 1241 г. молshy;ниеshy;носshy;ным поshy;хоshy;дом св. Алекshy;сандр верshy;нул древshy;нюю русshy;скую креshy;пость Коshy;поshy;рье, изshy;гнав рыshy;цаshy;рей. В 1242 г. зиshy;мой он освоshy;боshy;дил Псков, а 5 апshy;реshy;ля дал Тевshy;тонshy;скоshy;му орshy;деshy;ну реshy;шиshy;тельshy;ное сраshy;жеshy;ние на льду Чудshy;скоshy;го озеshy;ра. Креshy;стоshy;носshy;цы быshy;ли полshy;ноshy;стью разshy;громshy;леshy;ны. Имя св. Алекshy;сандра проshy;слаshy;виshy;лось по всей Свяshy;той Руshy;си.

Заshy;падshy;ные преshy;деshy;лы Русshy;ской земshy;ли быshy;ли наshy;дежshy;но огражshy;деshy;ны, наshy;стаshy;ло вреshy;мя обезshy;опаshy;сить Русь с воshy;стоshy;ка. В 1242 г. св. Алекshy;сандр Невshy;ский со своshy;им отshy;цом Яроshy;слаshy;вом выshy;ехал в Орshy;ду. Свяshy;щенshy;ную мисshy;сию заshy;щитshy;ниshy;ков Русshy;ской земshy;ли Госshy;подь увенshy;чал успеshy;хом, но на это поshy;треshy;боshy;ваshy;лись гоshy;ды труshy;дов и жертв. Князь Яроshy;слав отshy;дал за это жизнь. Заshy;веshy;щанshy;ный отshy;цом соshy;юз с Зоshy;лоshy;той Орshy;дой необshy;хоshy;диshy;мый тоshy;гда для предотshy;враshy;щеshy;ния ноshy;воshy;го разshy;гроshy;ма Руshy;си проshy;долshy;жал креshy;пить св. Алекshy;сандр Невshy;ский. Обеshy;щав свою подshy;держshy;ку, св. Алекshy;сандр дал возshy;можshy;ность Баshy;тыю выshy;стуshy;пить в поshy;ход проshy;тив Монshy;гоshy;лии, стать главshy;ной сиshy;лой во всей Веshy;лиshy;кой Стеshy;пи. В 1252 г. мноshy;гие русshy;ские гоshy;роshy;да восshy;стаshy;ли проshy;тив таshy;тарshy;скоshy;го ига. Сноshy;ва возshy;никshy;ла угроshy;за саshy;моshy;му суshy;щеshy;ствоshy;ваshy;нию Руshy;си. Св. Алекshy;санshy;дру опять приshy;шлось ехать в Орshy;ду, чтобы отshy;веshy;сти от русshy;ских зеshy;мель каshy;раshy;тельshy;ное наshy;шеshy;ствие таshy;тар. Св. Алекshy;сандр стал едиshy;ноshy;властshy;ным веshy;лиshy;ким княshy;зем всей Руshy;си. В 1253 г. он отshy;раshy;зил ноshy;вый наshy;бег на Псков, в 1254 г. заshy;клюshy;чил доshy;гоshy;вор о мирshy;ных граshy;ниshy;цах с Норshy;веshy;гиshy;ей, в 1256 г. хоshy;дил в поshy;ход в финshy;скую земshy;лю. В тьму языshy;чеshy;ства св. Алекshy;сандр нес свет еванshy;гельshy;ской проshy;поshy;веshy;ди и праshy;воshy;славshy;ной кульshy;туshy;ры. Все Поshy;моshy;рье быshy;ло проshy;свеshy;щеshy;но и освоshy;еshy;но русshy;скиshy;ми.



В 1256 г. умер хан Баshy;тый. Св. князь в треshy;тий раз поshy;ехал в Саshy;рай, чтобы подshy;тверshy;дить мирshy;ные отshy;ноshy;шеshy;ния Руshy;си и Орshy;ды с ноshy;вым хаshy;ном Берshy;ке. В 1261 г. стаshy;раshy;ниshy;яshy;ми св. Алекshy;сандра и митshy;роshy;поshy;лиshy;та Киshy;рилshy;ла быshy;ла учреshy;ждеshy;на в Саshy;рае, стоshy;лиshy;це Зоshy;лоshy;той Орshy;ды, епарshy;хия Русshy;ской Праshy;воshy;славshy;ной Церкshy;ви.

Эта диshy;плоshy;маshy;тиshy;чеshy;ская поshy;ездshy;ка св. Алекshy;сандра Невshy;скоshy;го в Саshy;рай быshy;ла четshy;верshy;той и поshy;следshy;ней. На обshy;ратshy;ном пуshy;ти, не доshy;езshy;жая до Влаshy;диshy;миshy;ра, в Гоshy;родshy;це, в моshy;наshy;стыshy;ре князь-поshy;движshy;ник преshy;дал свой дух Госshy;поshy;ду 14 ноshy;ябshy;ря 1263 гоshy;да, заshy;верshy;шив мноshy;гоshy;трудshy;ный жизshy;ненshy;ный путь приshy;няshy;тиshy;ем свяshy;той иноshy;чеshy;ской схиshy;мы с имеshy;нем Алекshy;сий. Свяshy;тое теshy;ло его поshy;несshy;ли к Влаshy;диshy;миshy;ру, деshy;вять дней длилshy;ся путь, и теshy;ло остаshy;ваshy;лось нетленshy;ным. 23 ноshy;ябshy;ря при поshy;греshy;беshy;нии его в соshy;борshy;ной церкshy;ви Рожshy;деshy;ственshy;скоshy;го моshy;наshy;стыshy;ря гоshy;роshy;да Влаshy;диshy;миshy;ра (ныне там устаshy;новshy;лен паshy;мятshy;ник свяshy;тоshy;му княshy;зю; еще один паshy;мятshy;ник устаshy;новshy;лен в гоshy;роshy;де Пеshy;реshy;яshy;сshy;лавshy;ле-Заshy;лесshy;ском) быshy;ло явshy;леshy;но Боshy;гом «чуshy;до дивshy;но и паshy;мяshy;ти доshy;стойshy;но»: свяshy;той сам проshy;тяshy;нул руshy;ку за разshy;реshy;шиshy;тельshy;ной моshy;литshy;вой. Поshy;чиshy;таshy;ние блаshy;гоshy;верshy;ноshy;го княshy;зя наshy;чаshy;лось сраshy;зу же по его поshy;греshy;беshy;нии. Веshy;лиshy;кий князь Иоанн Иоанshy;ноshy;вич (1353 1359) в своshy;ем дуshy;ховshy;ном заshy;веshy;щаshy;нии, пиshy;санshy;ном в 1356 гоshy;ду, остаshy;вил своshy;еshy;му сыshy;ну Диshy;митshy;рию (1363 1389), буshy;дуshy;щеshy;му поshy;беshy;диshy;теshy;лю Куshy;лиshy;ковshy;ской битshy;вы, «икоshy;ну Свяshy;тый Алекshy;сандр». Нетленshy;ные моshy;щи блаshy;гоshy;верshy;ноshy;го княshy;зя быshy;ли отshy;крыshy;ты, по виshy;деshy;нию, пеshy;ред Куshy;лиshy;ковshy;ской битshy;вой в 1380 гоshy;ду, и тоshy;гда же устаshy;новshy;леshy;но местshy;ное праздshy;ноshy;ваshy;ние. Обshy;щеshy;церshy;ковshy;ное проshy;славshy;леshy;ние св. Алекshy;сандра Невshy;скоshy;го соshy;верshy;шиshy;лось при митshy;роshy;поshy;лиshy;те Маshy;каshy;рии на Мосshy;ковshy;ском соshy;боshy;ре 1547 г. К моshy;литshy;вам свяshy;тоshy;го княshy;зя, проshy;слаshy;вивshy;шеshy;гоshy;ся обоshy;роshy;ной Отеshy;чеshy;ства, русshy;ские полshy;коshy;водshy;цы приshy;беshy;гаshy;ли и во все поshy;слеshy;дуshy;юshy;щие вреshy;меshy;на. 30 авshy;гуshy;ста 1721 г. Петр I, поshy;сле проshy;долshy;жиshy;тельshy;ной и изshy;нуshy;риshy;тельshy;ной войshy;ны со швеshy;даshy;ми, заshy;клюshy;чил Ништадshy;ский мир. Этот день реshy;шеshy;но быshy;ло освяshy;тить пеshy;реshy;неshy;сеshy;ниshy;ем моshy;щей блаshy;гоshy;верshy;ноshy;го княshy;зя Алекshy;сандра Невshy;скоshy;го из Влаshy;диshy;миshy;ра в ноshy;вую, сеshy;верshy;ную стоshy;лиshy;цу, Пеshy;терshy;бург, расshy;поshy;лоshy;живshy;шуshy;юshy;ся на беshy;реshy;гах Невы. Выshy;веshy;зенshy;ные из Влаshy;диshy;миshy;ра 11 авshy;гуshy;ста 1723 гоshy;да, свяshy;тые моshy;щи быshy;ли приshy;веshy;зеshy;ны в Шлисshy;сельshy;бург 20 сенshy;тябshy;ря тоshy;го же гоshy;да и остаshy;ваshy;лись там до 1724 гоshy;да, коshy;гда 30 авshy;гуshy;ста быshy;ли устаshy;новshy;леshy;ны в Троshy;ицshy;ком соshy;боshy;ре Алекshy;санshy;дро-Невshy;ской Лавshy;ры, где поshy;чиshy;ваshy;ют и ныне. Укаshy;зом от 2 сенshy;тябshy;ря 1724 гоshy;да быshy;ло устаshy;новshy;леshy;но праздshy;неshy;ство на 30 авshy;гуshy;ста (в 1727 гоshy;ду праздshy;неshy;ство быshy;ло отshy;меshy;неshy;но по приshy;чине не церshy;ковshy;ноshy;го хаshy;ракshy;теshy;ра, а вследshy;ствие борьshy;бы групshy;пиshy;роshy;вок при царshy;ском двоshy;ре. В 1730 гоshy;ду праздshy;неshy;ство сноshy;ва быshy;ло восshy;стаshy;новshy;леshy;но).



Тропарь благоверного князя Александра Невского

Познай свою братию, российский Иосифе,/ не в Египте, но на Небеси царствующий,/ благоверный княже Александре,/ и приими моления их,/ умножая жита людем плодоносием земли твоея,/ грады владычествия твоего ограждая молением// и православным христианом на сопротивныя споборствуя.

Тропарь благоверного великого князя Александра Невского

Яко благочестиваго корене/ пречестная отрасль был еси, блаженне Александре,/ яви бо тя Христос, яко некое Божественное сокровище Российстей земли,/ новаго чудотворца, преславна и богоприятна./ И днесь сошедшеся в память твою верою и любовию,/ во псалмех и пениих радующеся славим Господа,/ давшаго тебе благодать исцелений,/ Егоже моли спасти град сей,/ и державе Российстей/ богоугодней быти,// и сыновом Российским спастися.

Кондак благоверного князя Александра Невского

Якоже сродницы твои Борис и Глеб/ явишася тебе с Небесе в помощь,/ подвизающемуся на Велгера Свейскаго и воев его,/ тако и ты ныне,/ блаженне Александре,/ прииди в помощь твоим сродником// и побори борющия ны.

Кондак благоверного великого князя Александра Невского

Яко звезду тя пресветлу, почитаем, от востока возсиявшую и на запад пришедшую,/ всю бо страну сию чудесы и добротою обогащаеши/ и просвещаеши верою чтущия память твою, Александре блаженне./ Сего ради днесь празднуем твое успение, людие твои сущии:/ моли спасти Отечество твое/ и вся притекающия к раце мощей твоих и верно вопиющия ти:// радуйся, граду нашему утверждение.



Величание благоверному великому князю Александру Невскому

Величаем тя,/ благоверный княже Александре,/ и чтим святое успение твое,/ и ныне молиши за нас// Христа, Бога нашего.

Молитва святому благоверному Александру Невскому

Скорый помощниче всех усердно к тебе прибегающих и теплый наш пред Господем предстателю, святый благоверный княже Александре! Призри милостивно на ны недостойныя многими беззаконии непотребны себе сотворшия, к раце мощей твоих ныне притекающия и из глубины сердца тебе взывающия: ты в житии своем ревнитель и защитник православныя веры был еси, и нас в ней теплыми твоими молитвами непоколебимы утвер­ди. Ты великое, возложенное на тя служение тщательно проходил еси, и нас твоею помощию пребывати коегождо, в нейже призван есть, настави. Ты, победив полки супостатов, от пределов Российских отгнал еси, и на нас ополчающихся всех видимых и невидимых врагов низло­жи. Ты, оставив тленный венец царства земнаго, избрал еси безмолвное житие, и ныне праведно венцем нетлен­ным увенчанный, на небесех царствуеши, ходатайствуй и нам, смиренно молим тя, житие тихое и безмятежное и к вечному Царствию шествие неуклонное твоим предстательством устрой нам. Предстоя же со всеми святы­ми Престолу Божию, молися о всех православных христианах, да сохранит их Господь Бог Своею благодатию в мире, здравии, и благоденствии, и всяком благополучии в должайшая лета, да и присно славим и благословим Бога, в Троице Святей славимаго Отца, и Сына, и Святаго Духа, ныне и присно и во веки веков. Аминь.



Иная молитва благоверному великому князю Александру Невскому

Святый благоверный княже Александре! Призри милостивно на ны, недостойныя рабы Божии (имена), исходатайствуй нам житие тихое и безмятежное, и к вечному Царствию шествие неуклонное твоим предстательством устрой нам, да сохранит нас Господь Бог Своею благодатию в мире, здравии, долгоденствии и всяком благополучии в должайшая лета, да присно славим и благословим Бога в Троице Святей славимаго, Отца и Сына и Святаго Духа, ныне и присно, и во веки веков. Аминь.

Каноны и Акафисты

Канон первый святому благоверному великому князю Александру Невскому, в схиме Алексию

Ирмос: Воду прошед, яко сушу, и египетскаго зла избежав, израильтянин вопияше: Избавителю и Богу нашему поим.

Достойными похвалами воспети преславнаго чудотворца, ум и смысл даруй ми, Христе Боже, яко да воспою, радуяся, память его.

Светильниче многосветлый Российския земли, якоже второе солнце, чудесы сияя, всех нас поминай, совершающих память твою, Александре блаженне.

Богомудре Александре, аще тя и напоследок лет богопросвещенная Российская страна возрасти, но древних чести сподобился еси, дарование чудес достойно прием.

Богородичен: Законов кроме естественных, Дево, родила еси Законодавца Бога, Человека бывша. Того, яко Блага, моли, Всенепорочная, наша беззакония презрети.



Ирмос: Небеснаго круга Верхотворче, Господи, и Церкве Зиждителю, Ты мене утверди в любви Твоей, желаний краю, верных утверждение, Едине Человеколюбче.

Светильник света явился еси, Александре всеблаженне, недугов глубокую тьму разрушая всегда зарею светлою чудес, премудре.

Престолу предстоиши благодати, со всеми Ангелы радуяся днесь и миру исцеления раздавая богатство, спаси всех нас молитвами твоими, блаженне.

Благочестиваго и венценоснаго Александра, сошедшеся, по достоянию восхвалим, яко чудес подателя обильнаго и Господу молящася о всех нас.

Богородичен: Яко воистинну Господь воцарися в Царствие не отпадающее и облечеся псаломски из Тебе, Богомати, в красное благолепие, плоть святую, еюже смерть прият и разруши ея царство.

Седален, глас 8:

Яко звезда многосветлая явился еси, светлаго ради жития твоего сосуд Святаго Духа быв. Сего ради по многих летех во гробе нетленны обретошася святыя твоя мощи, от нихже источаеши реки чудес исцелений верно зовущим ти: радуйся, благоверный великий княже Александре.

Слава, и ныне, глас тойже:

Троицу славословим, вернии, Единосущную, призре бо на смирение наше, отъят поношение во человецех, утверди милость Свою на нас, во еже соблюсти нас и невредных сохранити. Темже благословим Бога нашего.

Ирмос: Услышах, Господи, смотрения Твоего таинство, разумех дела Твоя и прославих Твое Божество.

Зарею Трисолнечныя благодати сияя, светле твой праздник творящих озари и страстнаго омрачения демонскаго избави, Александре преславне.



Святителие и монаси, священницы и простии, старцы со юнотами и весь возраст, светло предыграйте и память блаженнаго в песнех возвеличите.

К Божественному Свету ныне преставился еси, Света сын возлюблен быв, в радости и красоте с лики ангельскими ныне радостно ликуеши.

Богородичен: Имею Тя Помощницу и не постыждуся, Пречистая Мати Божия, имею Тя Предстательницу и враг моих не убоюся.

Ирмос: Утренююще, вопием Ти: Господи, спаси ны, Ты бо еси Бог наш, разве Тебе, иного не вемы.

Яко звезда светла явися непрелестна, плененных свободитель, и нищих богатитель, и болящих врач, Церкве поборник и отечества нашего утверждение.

Явися в Российстей земли чудотворец преславен, Александр блаженный, яко всесветел светильник, сияя во всем мире и во мраце страстей озаряя вся.

Досточудная и преславная память твоя возсия в Российстей земли, блаженне, и радостно верных веселит соборы.

Отверзошася тебе двери едемския, и несказанен свет и трисиянен возсия, блаженне, в неподвижимем Царствии Небесном, и праведных веселие приял еси, радуяся.

Богородичен: Мертвости и тли избавила еси человечество, естеством бо Жизнодавца и Бога без семене родила еси, Дево Всенепорочная, на благодеяние восхваляющих Тя верно.

Ирмос: Очисти мя, Спасе, многа бо беззакония моя, и из глубины зол возведи, молюся, к Тебе бо возопих, и услыши мя, Боже спасения моего.

От пречестнаго корене израсл еси ветвь, преславне, и благочестно на земли пожил еси, и приятелище чисто Духа явился еси, освящая верою притекающия ти, блаженне.



Веселия днесь исполнися вся Российская земля в нарочитый день праздника преславнаго чудотворца, Александра блаженнаго: соблюдает бо отечество свое выну ненаветно.

Сирот и вдов заступника и в бедах непоборимаго помощника, песньми Александра ублажим, славяще: празднующих бо память его весело от бед избавляет и скорбей.

Богородичен: Сущи пресвятый храм, Богородице, Источник родила еси, Всенепорочная, неисчерпаемый, Владычице.

Кондак, глас 4:

Якоже сродницы твои Борис и Глеб явишася тебе с Небесе в помощь, подвизающемуся на Велгера Свейскаго и воев его, тако и ты ныне, блаженне Александре, прииди в помощь твоим сродником и побори борющия ны.

Иже древле наветы вражиими расточенный, яко орел птенцы под криле, собираше люди своя, сей и ныне на духовное торжество собирает нас; приидите убо, возрадуемся Господеви, и прославим прославльшаго сродника нашего и владыку, и возопиим: радуйся, российская славо, скипетров державо, воев храбросте, оружия крепосте, поминай стадо твое, над нимже Господь постави тя, и побори борющия ны.

Ирмос: От Иудеи дошедше, отроцы в Вавилоне иногда верою Троическою пламень пещный попраша, поюще: отцев Боже, благословен еси.

Днесь Церковь Христова, празднующи Александрово торжество, сошедшимся воистинну источает благодать, прилежно молящимся и любовию поющим его.

Во всех странах российских произыде вещание, яко явися в них чудотворец преславен, источая исцелений множество всем поющим тепле.

Чудесы убо твоими, яко цвет, процвел еси, блаженне, и исцеления подаваеши притекающим в кров твой, мудре и досточудне.



Богородичен: От девственных ложесн Твоих воплощся, Бог явися на спасение наше. Темже Тя Матерь ведуще, Богородице, правоверно вопием Ему: отец наших Боже, благословен еси.

Ирмос: Богоглаголивии отроцы, в пещи со огнем пламень попирающе, пояху: благословите, дела Господня, Господа.

Тебе в чудесех славна российским странам показа Бог, Александре, и украси тя Небесными дары, Того моли помиловати всех нас.

Яко утро, яко день светлый твой праздник явися, просвещая наша сердца и всех с верою восхваляющих тя, Александре преславне.

День торжества и праздник веселия наста, стецемся, вернии, очистивше вкупе души и телеса: се бо нас призывает Александр Божественный.

Богородичен: Образы носящи древле Рождества Твоего, Дево Мати, пещь убо юношей не опали, такожде и огнь Божественный утробы Твоея, Чистая.

Ирмос: Ужасеся о сем Небо,и земли удивишася концы, яко Бог явися человеком плотски и чрево Твое бысть пространнейшее Небес. Тем Тя, Богородицу, Ангелов и человек чиноначалия величают.

Твое святое преставление днесь светло празднуем, исполни радости и веселия восхваляющия тя, Александре великоимените.

Велий щит и крепость в Российстей земли, Александре, обрелся еси, православным же людем нашим похваление, и ныне молимся ти: сохраняй отечество твое от языка чуждаго.

Незаходимаго света лучами во тьме сущим сияя, славне, к просвещению веселия настави ны, поющия тя.

Блаженне Александре, како тя возможем воспети достойно? Не может бо язык изглаголати твоя различная исцеления, и многая дарования, и чудеса, яже подаваеши наследию твоему.



Богородичен: Яко утро, темным и блудящим, Дево, возсия Правды Солнце, Христос, Егоже на руках Твоих носила еси, Чистая.

Слышана бысть в свейских странах превеликая слава твоя, Александре, яко единем мужественным именем твоим устрашахуся сопротивнии, и ныне, блаженне, враги наша невидимо устрашай, ополчающияся на христолюбивое твое воинство.

Слава, и ныне:

Избавивый ны от власти темныя и преставивый в Царство любве Сына Твоего, Боже наш, преведый от тьмы неведения ко свету благоразумия и славы и имениты сотворивый по всей земли, Тебе и ныне просим: да якоже сохранил и возвысил еси нас всесильною Твоею десницею, тоюжде защищай, избавляй и содержи.

Канон второй святому благоверному великому князю Александру Невскому, в схиме Алексию

Ирмо́с: Мо́ря чермну́ю пучи́ну невла́жными стопа́ми дре́вний пешеше́ствовав Изра́иль, крестообра́зными Моисе́овыма рука́ма Амали́кову си́лу в пусты́ни победи́л е́сть.

Прии́мша в свое́м се́рдцы, Бла́же, Твою́ благода́ть духо́вную тве́рдо прему́драго повеле́ния и в ду́ши благочести́вых вложи́вшаго, похвала́ми да́ждь ублажи́ти Алекса́ндра пресла́внаго.

Свети́льниче многосве́тлый Росси́йския земли́, чудесы́, я́коже со́лнце второ́е, сия́я, все́х на́с помина́й, соверша́ющих па́мять твою́, Алекса́ндре блаже́нне.

Це́ркве бы́л еси́ Христо́вы красота́, блаже́нне, пе́нием бо сию́ украси́л еси́, пресла́вне. И ны́не мо́лим тя́: свободи́ ны́ от вся́кия бра́ни бори́теля, пою́щия тя́, Алекса́ндре.



Богоро́дичен: Ра́дуйся, благода́ти исто́чниче; ра́дуйся, ле́ствице и две́рь небе́сная; ра́дуйся, свети́льниче, и ста́мно злата́я, и горо́ несеко́мая, Де́во, Жизнода́вца Христа́ ми́ру ро́ждшая.

Ирмо́с: Весели́тся о Тебе́ Це́рковь Твоя́, Христе́, зову́щи: Ты́ моя́ кре́пость, Го́споди, и прибе́жище, и утвержде́ние.

Во ве́сь ми́р про́йде сла́ва чуде́с твои́х, блаже́нне, и́миже просвети́л еси́ вселе́нную, от все́х напа́стей избавля́я при́сно.

Благочести́ваго и венцено́снаго Алекса́ндра, соше́дшеся, по достоя́нию восхва́лим, я́ко чуде́с пода́теля оби́льнаго и Го́споду моля́щася о все́х на́с.

Исто́чник чуде́с гро́б тво́й яви́ся неисчерпа́емый, от него́же ре́ки исцеле́ний излива́еши ве́рно па́мять твою́ творя́щим, блаже́нне.

Богоро́дичен: Ты́ еди́на на земли́ преесте́ственных благи́х Хода́таица, Ма́ти Бо́жия, была́ еси́: те́м Ти́, ра́дуйся, зове́м.

Седа́лен, гла́с 8:

Я́ко звезда́ многосве́тлая, от восто́ка произше́д, яви́лся еси́ све́тлаго ра́ди жития́ твоего́ и чистоты́ душе́вныя и теле́сныя сосу́д Свята́го Ду́ха; и сего́ ра́ди по успе́нии твое́м от мно́гих ле́т во гро́бе нетле́нны обрето́шася святы́я твоя́ мо́щи, от ни́хже источа́еши ре́ки чуде́с исцеле́ний ве́рно зову́щим ти́: ра́дуйся, благове́рный вели́кий кня́же Алекса́ндре.

Сла́ва, и ны́не, богоро́дичен: Я́ко Всенепоро́чная Неве́ста Творцу́, я́ко Неискусому́жная Ма́ти Изба́вителя, прия́телище я́ко су́щи Уте́шителя, Препе́тая, беззако́нию мя́ су́ща скве́рное оби́телище и бесо́м игра́лище в ра́зуме бы́вша, потщи́ся от те́х злоде́йства мя́ изба́вити и све́тлое жили́ще доброде́телей соверши́, Светоно́сная Нетле́нная, отжени́ о́блак страсте́й и вы́шняго прича́стия сподо́би и Све́та невече́рняго моли́твами Твои́ми.



Ирмо́с: Вознесе́на Тя́ ви́девши Це́рковь на Кресте́, Со́лнце пра́ведное, ста́ в чи́не свое́м, досто́йно взыва́ющи: сла́ва си́ле Твое́й, Го́споди.

Кто́ любо́вь твою́ и ми́лость ко все́м челове́ком, па́че же к ни́щим изглаго́лет? и по сме́рти у́бо, я́ко жи́в, просте́рл еси́ ру́ку твою́ и прия́л еси́ от иера́рха сви́ток грехо́в проще́ния.

Дне́сь де́нь свята́го пра́зднственный мно́гия созыва́ет на весе́лие духо́вное, и трапе́зу, и пи́щу нетле́нныя жи́зни Боже́ственнаго наслажде́ния.

К Боже́ственному све́ту ны́не преста́вился еси́, све́та сы́н возлю́блен бы́в, в ра́дости и красоте́ с ли́ки а́нгельскими ны́не ра́достно лику́еши, блаже́нне.

Богоро́дичен: Све́та Твоего́ блиста́ньми озари́, Отрокови́це Всенепоро́чная, е́же в нощи́ страсте́й искуше́нии одержи́мое се́рдце мое́, пра́вды Со́лнце све́т возсия́вши.

Ирмо́с: Ты́, Го́споди, мо́й Све́т, в ми́р прише́л еси́, Све́т Святы́й, обраща́яй из мра́чна неве́дения ве́рою воспева́ющия Тя́.

Досточу́дная и пресла́вная па́мять твоя́ возсия́ в Росси́йстей земли́, блаже́нне, и ра́достно ве́рных весели́т собо́ры.

Отверзо́шася тебе́ две́ри Еде́мския, и несказа́нен све́т и трисия́нен возсия́, блаже́нне, в неподви́жнем Ца́рствии небе́снем, и пра́ведных весе́лие прия́л еси́ ра́дуяся.

Ны́не Алекса́ндр вели́кий, сиро́т и вдо́в ми́лостивый печа́льник, оте́чествие свое́ и вся́ вку́пе я́ве созыва́ет: прииди́те, собра́вшеся, я́ко о́бщему засту́пнику све́тло торжеству́ем.



Богоро́дичен: Сы́й в зра́це Бо́жии, Пребоже́ственный всели́ся во чре́во Твое́, в зра́к мо́й облече́ся Госпо́дь, Пренепоро́чная.

Ирмо́с: Пожру́ Ти́ со гла́сом хвале́ния, Го́споди, Це́рковь вопие́т Ти́, от бесо́вския кро́ве очи́щшися, ра́ди ми́лости от ре́бр Твои́х исте́кшею кро́вию.

Твоя́ свята́я па́мять, Алекса́ндре, вселе́нную весели́т, созыва́ющи ве́рныя в честны́й хра́м тво́й, в не́мже ны́не ра́достию совоку́пльшеся, тя́ мо́лим: язы́ческаго наше́ствия изба́ви лю́ди твоя́, пресла́вне.

Весе́лия дне́сь вся́ испо́лнися Росси́йская земля́, в наро́читый де́нь пра́здника пресла́внаго чудотво́рца, Алекса́ндра блаже́ннаго: соблюда́ет бо оте́чество свое́ вы́ну ненаве́тно.

Сиро́т и вдо́в засту́пника и в беда́х непобори́маго помо́щника, пе́сньми Алекса́ндра ублажи́м, сла́вяще: пра́зднующих бо па́мять его́ ве́село от бе́д избавля́ет и скорбе́й.

Богоро́дичен: Святы́й Иису́с всели́ся во утро́бу Твою́, во святы́х, Де́во, почива́яй и прославля́яй ве́рою и́стинною сего́, Отрокови́це, сла́вящия.

Конда́к, гла́с 8.

Я́ко звезду́ тя́ пресве́тлу, почита́ем, от восто́ка возсия́вшую и на за́пад прише́дшую: всю́ бо страну́ сию́ чудесы́ и добро́тою обогаща́еши и просвеща́еши ве́рою чту́щия па́мять твою́, Алекса́ндре блаже́нне. Сего́ ра́ди дне́сь пра́зднуем твое́ успе́ние, лю́дие твои́ су́щии: моли́ спасти́ оте́чество твое́, и вся́ притека́ющия к ра́це моще́й твои́х и ве́рно вопию́щия ти́: ра́дуйся, гра́ду на́шему утвержде́ние.



Ве́лий чудотво́рец яви́лся еси́ Росси́йския земли́, блаже́нный Алекса́ндре, неви́димо Христо́вы лю́ди посеща́я и исцеле́ния подава́я бога́тно все́м от души́ приходя́щим и согла́сно вопию́щим си́це: ра́дуйся, сто́лпе пресве́тлый, просвеща́я на́с чуде́с светлостьми́; ра́дуйся, велехва́льнаго краля́ победи́вый посо́бием Бо́жиим; ра́дуйся, свободи́вый гра́д Пско́в от неве́рных; ра́дуйся, лати́нская уче́ния презре́вый и пре́лесть и́х в ничто́же вмени́вый; ра́дуйся, я́ко восприя́л еси́ в тле́нных ме́сто нетле́нная; ра́дуйся, Све́та Непристу́пнаго зри́телю; ра́дуйся, я́ко лику́еши со а́нгелы; ра́дуйся, о́блаче ро́сный, ве́рных мы́сли ороша́яй; ра́дуйся, те́мных страсте́й прогони́телю; ра́дуйся, Росси́йстей земли́ засту́пниче; ра́дуйся, гра́ду на́шему заступле́ние.

Ирмо́с: В пещи́ авраа́мстии о́троцы перси́дстей, любо́вию благоче́стия па́че, не́жели пла́менем, опаля́еми, взыва́ху: благослове́н еси́ в хра́ме сла́вы Твоея́, Го́споди.

Дне́сь Це́рковь Христо́ва, пра́зднующи Алекса́ндрово торжество́, бы́вшее о Бо́зе, соше́дшимся вои́стинну источа́ет исцеле́ние, приле́жно моля́щимся и любо́вию пою́щим его́.

Во все́х страна́х произы́де веща́ние: я́ко на́шего гра́да яви́ся чудотво́рец пресла́вен, источа́я исцеле́ний мно́жество, все́м прося́щим те́пле.

Дне́сь весе́лия исполня́ется хра́м Бо́га на́шего, в не́мже лежа́т честны́я мо́щи блаже́ннаго, и вси́ притека́ющии облобыза́ют со стра́хом святу́ю ра́ку пресла́внаго и прие́млют исцеле́ние.



Богоро́дичен: Вы́шняго освяще́нное Бо́жие селе́ние, ра́дуйся, Тобо́ю бо даде́ся ра́дость, Богоро́дице, вопию́щим Ти́: благослове́на Ты́ в жена́х еси́, Всенепоро́чная Влады́чице.

Ирмо́с: Ру́це распросте́р, Дании́л, льво́в зия́ния в ро́ве затче́; о́гненную же си́лу угаси́ша, доброде́телию препоя́савшеся, благоче́стия рачи́тели, о́троцы, взыва́юще: благослови́те, вся́ дела́ Госпо́дня, Го́спода.

А́нгельстии чи́ни хва́лят тя́, пресла́вне, и челове́честии ро́ди пою́т непреста́нно, творя́ще ве́рно па́мять твою́, Алекса́ндре великоимени́те.

Тебе́ в чудесе́х сла́вна Росси́йским страна́м показа́ Бо́г, Алекса́ндре, и украси́ тя́ небе́сными дарми́: Того́ моли́ поми́ловати все́х на́с.

Побе́ды истинноимени́т, вои́стинну ве́рным лю́дем в беда́х и кре́пок помо́щник яви́лся еси́, Алекса́ндре блаже́нне.

Богоро́дичен: Свяще́нный Тя́ проро́к благообра́зно пропове́да, Две́рь, и Го́ру, и Се́нь, и Зе́млю святу́ю, и О́блак све́та, из Него́же во тме́ су́щим возсия́ Со́лнце, Де́во, еди́н Светода́вец.

Ирмо́с: Ка́мень нерукосе́чный от несеко́мыя горы́, Тебе́, Де́во, краеуго́льный отсече́ся Христо́с, совокупи́вый разстоя́щаяся естества́. Те́м, веселя́щеся, Тя́, Богоро́дице, велича́ем.

Красе́н те́лом и душе́ю, и благоче́стием сия́я, сла́вне, боже́ственнаго ра́зума, орга́н бы́л еси́ Свята́го Ду́ха: и по сме́рти у́бо к безсме́ртной жи́зни и неконча́емому блаже́нству преше́л еси́, ра́дуяся, Алекса́ндре богому́дре.



Я́ко светоза́рное, блаже́нне, со́лнце, возсия́в от за́пада, и всю́ заря́ми благоче́стия Росси́йскую зе́млю просвети́л еси́, и отгна́л еси́ тму́ глубо́кую ерети́чествующих, Алекса́ндре пресла́вне.

Твое́ свято́е преставле́ние дне́сь све́тло пра́зднуем: испо́лни ра́дости и весе́лия восхваля́ющия тя́, Алекса́ндре великоимени́те.

Богоро́дичен: Све́том мя́ Твоего́ милосе́рдия во тме́ неразу́мия лежа́щаго озари́, еди́на Светода́вца ро́ждшая, Изба́вителя и Бо́га, святы́х венча́вшаго.

Слы́шана бы́сть во все́х страна́х превели́кая сла́ва твоя́, и тогда́ жены́ Моави́тския страша́ху де́ти своя́ гро́зным твои́м и́менем. И ны́не, блаже́нне, враги́ на́ша неви́димо устраша́й, ополча́ющияся на христолюби́вое твое́ во́инство.

Сла́ва, и ны́не, богоро́дичен: Сове́та вели́каго А́нгела О́тча, родила́ еси́ Христа́, препе́тая Отрокови́це, Царя́ сла́вы: Его́же Кре́ст, апо́столи пропове́давше, просвети́ша язы́ки и научи́ша Тя́, Богоро́дицу, сла́вити и покланя́тися Твоему́ Рождеству́.

Акафист святому благоверному великому князю Александру Невскому, в схиме Алексию

Избранному воеводе земли Российския, светлому украшению Церкве Православныя, святому благоверному великому князю Александру Невскому, похвальная восписующе, яко верою враги, видимыя же и невидимыя, победившему, и в вере своей, по речению апостолову, добродетель, в добродетели же разум, в разуме же воздержание, в воздержании же терпение, в терпении же благочестие, братолюбие и любовь явившему со умилением и радостию возопиим:



Радуйся, святый благоверный великий княже Александре.

Со Ангелы и всеми святыми предстоиши ныне Христу, блаженно Александре, моляся о любовию чтущих тя: темже, поминающе, яко, измлада Христа возлюбив, к небесным духом прилепился еси, бесплотных подражав житию, ублажаем тя, вопиюще:

Радуйся, корене благочестиваго отрасле пречестная;

Радуйся, благоверия предков наследниче.

Радуйся, добродетелей отца боголюбиваго подражателю;

Радуйся, кротости и благочестия матерняго преемниче.

Радуйся, вождю к Небесем стада своего христолюбиваго;

Радуйся, в житии всех рабов Божиих друже и ревнителей благочестия собеседниче.

Радуйся, преподобных лика богосветлаго сопричастниче;

Радуйся, веры Христовы непобедимый исповедниче.

Радуйся, волею мучениче, сликовствуяй ныне сонму мучеников добропобедному;

Радуйся, христианскаго упования и любве всем нам девственный проповедниче.

Радуйся, уставов и чина церковнаго благолепнаго ревнителю;

Радуйся, верных чад Церкве и угодников Божиих сонаследниче.

Радуйся, святый благоверный великий княже Александре.

Видевше лепоту лица и телеснаго возраста твоего, новоградстии людие радовахуся и славляху Бога, взирающе на тя: мы же, поминающе светлейшия паче солнца добродетели твоя, блаженне Александре, прославившему тя Господеви поим: Аллилуиа.

Разумел еси, богомудре Александре, яко преходит образ мира сего, едино же есть на потребу человеком, еже благоугодити Господеви: сего ради измлада от любве к миру и яже в мире уклонился еси, вожделев же зде сущими стяжати небесная, яко верный раб Господу во всем житии неленостно послужил еси. Темже вопием ти:



Радуйся, подвижниче веры, угождение Богу паче всего предызбравый;

Радуйся, подобне Аврааму во всем житии непорочно пред Богом поживый.

Радуйся, Исааково послушание показавыи;

Радуйся, путем Иаковля смиренномудрия ходивый.

Радуйся, Иосифову чистоту и целомудрие стяжавый;

Радуйся, Моисееву любовь к людем своим в себе явивый.

Радуйся, якоже Самуил чиста себе от всякаго любостяжания соблюдавый;

Радуйся, кротостию Давидовою враги своя победивый.

Радуйся, Петровой пламенней вере поревновавый;

Радуйся, с Павлом игу Христову себе поработивый.

Радуйся, богомудрие Иоанново подвигом поучения в слове Божием снискавый;

Радуйся, многих святых добродетели в себе совокупивый.

Радуйся, святый благоверный великий княже Александре.

Силою веры стяжал еси, блаженне Александре, высшее любомудрие, егоже ради, презирая плоть, прилежал еси о души безсмертней: темже ублажающе тя, яко стяжавша ныне безсмертие, вопием прославившему тя Христу: Аллилуиа.

Имеяй всегда пред очима своима Господа, трезвенно пожил еси, блаженне Александре, и вся яже творил еси, творя во славу Божию, угодил еси Богу, Емуже предстоиши ныне с лики от века угодивших: темже радующеся о тебе, зовем ти:

Радуйся, истиннаго трезвения подвижниче;

Радуйся, спасительнаго созерцания любителю.

Радуйся, наставниче наш в подвиге от мира удаления;

Радуйся, стяжателю совершеннаго дара бодрственнаго себе внимания.

Радуйся, всякаго безсловеснаго вожделения твердый противоборниче;



Радуйся, благочестия добрый подвижниче, преуспевый в разуме и деянии.

Радуйся, яко силою молитвы препобедил еси диавольская искушения;

Радуйся, яко себе от греха оградил еси последних воспоминанием.

Радуйся, яко возлюбил еси душею еже о небесных помышление;

Радуйся, яко преуспел еси в неленостных яже к Богу молитвенных предстояниих.

Радуйся, яко все житие свое освящал еси непрестанным Имене Божия призыванием;

Радуйся, яко угождал еси Господеви всяким благоугождением.

Радуйся, святый благоверный великий княже Александре.

Бури искушений воздвигоша врази и противу тебе, блаженне Александре. Ты же препобедил еси сия силою благодати Христовы: темже ныне, к тихому пристанищу притек, с лики искушенных в мире, победивших же мир, вопиеши Христу: Аллилуиа.

Слышав Павла, глаголюща: «Всяк подвизаяйся от всех воздержится», вся в уметы вменил еси, блаженне Александре, да Христа приобрящеши: подвигами же отвержения себе и ко благим делом принуждения стяжал еси свободу славы чад Божиих: темже ублажающе тя, вопием ти таковая:

Радуйся, образ отвержения себе нам показавый;

Радуйся, ношению креста в последовании Христу нас научивый.

Радуйся, плоть со страстьми и похотьми ея поправый;

Радуйся, житием твоим суету мира обличивый.

Радуйся, всякое пристрастие земное от себе отгнавый;

Радуйся, разум свой в послушание веры пленивый.

Радуйся, волею своею благое иго заповедей Христовых подъявый;

Радуйся, сердце свое от всякия страсти душевредныя чисто сохранивый.



Радуйся, себе Богу всесовершенне предавый;

Радуйся, чрез все житие свое Богу послуживый.

Радуйся, совершением заповедей любовь к себе Божию стяжавый;

Радуйся, наследие Царствия благоугождением Богу улучивый.

Радуйся, святый благоверный великий княже Александре.

Боготечною звездою прешел еси в мире, блаженне Александре, блистающ славою и добродетелию: темже ныне сияеши на Небесех славою вечною с лики праведник, с нимиже выну воспеваеши Христу: Аллилуиа.

Видевше тя, блаженне Александре, николиже во бранех побеждаема, всегда же побеждающа, невернии единаго имене твоего устрашахуся, мы же, поминающе исполненное веры мужество твое, ублажаем тя, глаголюще:

Радуйся, доблественный в защиту веры и Церкве воителю;

Радуйся, своея земли мужественный защитителю.

Радуйся, наветов вражиих мудрый разорителю;

Радуйся, мира безпомощных сильный оградителю.

Радуйся, воинства свейскаго на брегах Невских славный победителю;

Радуйся, безопасности всея северныя страны земли Российския охранителю.

Радуйся, злых козней иноверия, подвигших чуждую рать на землю нашу, разрушителю;

Радуйся, законов правды богоукрепляемый утвердителю.

Радуйся, Пскова, отечества святыя Ольги, свободителю;

Радуйся, ненавидевших мира умирителю.

Радуйся, буйства неустроенныя в тыя дни Литвы укротителю;

Радуйся, во всех сих бранех христолюбиваго воинства своего мудрый предводителю.

Радуйся, святый благоверный великий княже Александре.



Проповедника кротости и терпения явил еси себе, блаженне Александре, посреди преславных побед твоих: темже и стяжал еси сугубый венец от Царя Христа, Емуже предстоиши ныне, вопия: Аллилуиа.

Провозсиял еси, блаженне Александре, паче мужества, терпением твоим, егоже стяжал еси, взирая на Начальника веры и Совершителя Иисуса, Иже вместо предлежащия ему радосте претерпе Крест: темже восхваляюще тя, усердно вопием:

Радуйся, до конца в подвизех служения Богу претерпевый;

Радуйся, терпению Христову верно подражавый.

Радуйся, силу заповеди Христовы, яже о любви ко врагом, премудро уразумевый;

Радуйся, и согрешшим противу тебе избавленным тобою людем любовь истинную показавый.

Радуйся, во искушении от народа своего хитрость лукавого прозревый;

Радуйся, мирным отбытием своим из земли своея злобу врага поправый.

Радуйся, и во всем житии своем ухищрения сатаны проразумевый;

Радуйся, злое благим, по апостолу, выну препобеждавый.

Радуйся, паки, в годину скорби, в помощь оскорбившему тя Новуграду предуспевый;

Радуйся, сего ради пламенную любовь от народа своего себе снискавый.

Радуйся, Божия посещения, болезни и лишения, со упованием терпевый;

Радуйся, сего ради светлый венец от Господа стяжавый.

Радуйся, святый благоверный великий княже Александре.

Хотяй провозсияти тебе всеми добродетельми, блаженне Александре, Владыка Христос призвал есть тебе к служению людем своим во дни посещения: ты же притяжал еси к терпению смирение, егоже ради ныне превознесен еси, предстоя Богу с песнию: Аллилуиа.



Дивно бе видети, како непобедимый воитель смиренно преклоняет главу свою пред неверными, ихже посла Господь на люди своя ради грех их: дивно же есть и воспомянути непобедимое смирение твое, блаженне Александре, имже и Господеви благоугодил еси, и люди своя спасл еси. Темже благодарно вопием ти:

Радуйся, смирения Господня подражателю;

Радуйся, подобающаго богопоставленным властем почитания учителю.

Радуйся, всякаго превозношения противоборче;

Радуйся, истиннаго послушания подвижниче.

Радуйся, всем нам образе вернаго Богу служения;

Радуйся, начальствующим наставниче в богоприятном людем предстоянии.

Радуйся, подвластных руководителю в богозаповеданном предержащим властем повиновении;

Радуйся, яко многажды ради блага людей своих путьшествовал еси к безбожным, ни во чтоже вменяя яже от них испытания.

Радуйся, яко не устрашился еси, призвав Бога, прийти к Батыеви, исполняя его веление;

Радуйся, яко многащи воспринимал еси на себе страшный ответ о неразумных народа своего востаниих.

Радуйся, яко оградил еси люди твоя от зловреднаго с неверными общения;

Радуйся, яко мудре оградил еси в земли своей отеческия доблести и предания.

Радуйся, святый благоверный великий княже Александре.

Странническое житие прешел еси на земли, блаженне Александре, не ведый покоя в трудех своих и не имый зде пребывающаго града, но грядущаго взыскуяй: сего ради ныне, блаженне, вселился еси в вечных обителех, выну поя Богу: Аллилуиа.



Всею душею послужив Господу и всем житием своим благоугодив ему, прославился еси благочестием, егоже ради и исповедник явился еси веры Христовы, блаженне Александре: поминающе убо подвиг исповедничества твоего, вопием ти:

Радуйся, злобы неверных не устрашивыйся;

Радуйся, твари паче Создавшаго не послуживый.

Радуйся, солнцу и огню в стане безбожных не поклонивыйся;

Радуйся, веру свою во искушении сохранивый.

Радуйся, велению безбожному не покоривыйся;

Радуйся, твердый проповедник веры пред неверными себе явивый.

Радуйся, с сугубою славою, по исповедании своем, в землю свою возвративыйся;

Радуйся, во всем житии верным вере отцев пребывый.

Радуйся, от лести иноверия премудре уклонивыйся;

Радуйся, лукавство проповедников лжеверия яве обличивый.

Радуйся, твердый защитник правоверия явивыйся;

Радуйся, лжесловесие врагов Православия словом здравым препобедивый.

Радуйся, святый благоверный великий княже Александре.

Всего себе повинув Богови, яко раб благий и верный послужил еси Ему, блаженне Александре, паче сверстник твоих для земли твоея потрудився: темже и внити сподобился еси в радость Господа своего, Емуже предстоиши ныне, со Ангелы поя: Аллилуиа.

Витийствующий язык не возмогл бы восхвалити дела твоя, блаженне Александре, яже совершил еси, полагая по братии душу свою: смиренно убо поминающе сицевая исправления твоя, умиленную песнь приносим ти, глаголюще:

Радуйся, братолюбия христианскаго приискренний ревнителю;



Радуйся, Моисеевы и Павловы любве ко братии подражателю.

Радуйся, заповедей Христовых яже о любви верный исполнителю;

Радуйся, и всех нас в любви к присным дивный наставниче.

Радуйся, примером своим паче слова явивыйся стязающихся о наследии братии своих примиритель;

Радуйся, о благе народа усердно в житии своем пекийся.

Радуйся, общаго мира во днех своих устроителю;

Радуйся, изгнаннаго страхом нашествий татарских народа своего собирателю.

Радуйся, безпомощных присный защитителю;

Радуйся, нищих и алчущих питателю.

Радуйся, сирых сильный покровителю;

Радуйся, и ныне всех скорбящих и нуждающихся мощный пред Господом предстателю.

Радуйся, святый благоверный великий княже Александре.

Спасти хотя душу свою, ведый же, яко не имущему любве к Богу никиими же подвигами и добродетельми улучити спасение возможно есть, стяжал еси венец добродетелей, еже есть любовь к Богу, Емуже предстоя ныне, радостно вопиеши: Аллилуиа.

Царя Небеснаго возлюбив от всего сердца твоего, и от всея души твоея, и всею мыслию твоею, принесл еси Ему, блаженне Александре, последи многоразличных приношений веры и усердия, себе самаго в жертву живу, святу, благоугодну: темже ублажающе тя, вопием ти:

Радуйся, в житии своем всеми богоугодными делы Господеви послуживый;

Радуйся, обетами иночества святое житие свое увенчавый.

Радуйся, многи храмы Божий, безбожными раззоренныя, обновивый;

Радуйся, к просиянию подвигов постничества обители святыя созидавый.



Радуйся, подвизающихся измлада в благочестии ради Бога возлюбивый;

Радуйся, ангельский образ и себе чистою душею предызбравый.

Радуйся, в конец жития своего всего себе Богу посвятивый;

Радуйся, приятием схимы, с новым именем Алексия, всесовершенне себе Богу предавый.

Радуйся, обетом девства чистоту сердца своего явивый;

Радуйся, обетом нестяжания высоту духа своего показавый.

Радуйся, обетом послушания всецелое служение свое Единому Богу во веки утвердивый;

Радуйся, к венцу мудраго и благаго князя мзду инока притяжавый.

Радуйся, святый благоверный великий княже Александре.

Пение погребальное слезами растворяшеся у гроба твоего, блаженне Алексадре; людие твои плакахуся о тебе, солнце земли Русския, в полудни зашедшем, и рыдания прерываху умиленную песнь их к Богу: Аллилуиа.

Свет славы небесныя осия тя вскоре, блаженне Александре, утешая плачущия люди твоя: темже видяще при гробе твоем знамения и чудеса, сынове российстии достойне призываху тя, яко в молитвах предстателя; мы же, понимающе скорое заступление твое, вопием ти:

Радуйся, угодниче Божий, в самом погребении прославление от Бога получивый;

Радуйся, скорый предстателю наш, егоже призываху отцы наши в нуждех и озлоблениих.

Радуйся, в борьбе с татары князю Димитрию Донскому вспоможение явивый;

Радуйся, царю Иоанну и казанцы одоление исходатаивый.

Радуйся, исцеления многоразличныя всем подаваяй;

Радуйся, слепым зрение молитвою твоею возвращаяй.



Радуйся, хромым, припадающим ко гробу твоему, хождение даруяй;

Радуйся, разслабленных неможение врачуяй.

Радуйся, одержимым от бесов свобождение подаваяй;

Радуйся, безнадежных надеждою спасения оживляяй.

Радуйся, в погубльших разум разумение возставляяй;

Радуйся, от гроба твоего многообразныя чудотворения присно источаяй.

Радуйся, святый благоверный великий княже Александре.

Благодать познавше, живущую в нетленных мощех твоих, людие владимирстии с любовию прихождаху ко святей раце твоей и, радостно лобызающе ю, славляху о тебе Бога, прославляющаго святыя Своя, со умилением вопиюще Ему: Аллилуиа.

Поюще добродетели и чудеса твоя, радостию сретаху и провождаху отцы наши святое тело твое, егда, преселяхуся святыя мощи твоя на новое место покоища в славном святаго Петра граде: и мы ныне, радующеся о небесней славе твоей и обитании нетленных мощей твоих в богоизбранном граде сем со онеми вопием ти:

Радуйся, российский Иосифе, на новое место упокоения преселивыйся;

Радуйся, всех концев земли Российския покровителю.

Радуйся, Петрова града благонадежное утверждение;

Радуйся, тогоже во бранех Небесный защитителю.

Радуйся, северныя столицы неоцененное украшение;

Радуйся, тезоименитыя тебе обители славо и утверждение.

Радуйся, народу русскому здравие же и спасение молитвами твоими подаваяй;

Радуйся, всех упование на тя возложивших, богомудрый учителю.

Радуйся, иноком, яко инок, полезное, примером жизни своея, наставление преподаваяй;



Радуйся, мирским людем, яко в мире потрудивыйся, к добродетелем общежития руководителю.

Радуйся, нетлением своим всем нам надежду воскресения подаваяй;

Радуйся, всех нас в напастех и скорбех поборниче, хранителю и свободителю.

Радуйся, святый благоверный великий княже Александре.

О, святый благоверный великий княже Александре! От благоговейных сердец приносимую ти, аще и недостойную, хвалебную песнь сию, приими от нас, яко усердную жертву сердец, любящих тя и ублажающих святую память твою. Охраняй всех нас молитвами твоими: огради ходатайствы твоими град твой и вся люди земли Российския, да тихое и безмолвное житие поживше в нынешнем веце блаженство вечное наследим и купно с тобою и всеми святыми выну сподобимся воспевати Богу: Аллилуиа.

Этот кондак читается трижды, затем 1-й икос «Со Ангелы и всеми. » и 1-й кондак «Избранному воеводе. «.

Случайный тест

Цитата дня

Господь тогда только прекращает жизнь человека, когда видит его готовым к переходу в вечность или же когда не видит никакой надежды на его исправление

О admin

x

Check Also

Сильная молитва Николаю Чудотворцу об исцелении больного ребенка или взрослого

Николай Чудотворец, великий святой и целитель, считается покровителем купцов, моряков и детей. Согласно историческим источникам, святой родился примерно в IIIвеке ...

Сильная молитва Николаю Чудотворцу о помощи, изменяющая судьбу

Здравствуйте! Каждый человек должен пройти свой жизненный путь, предначертанный судьбой. Неужели нельзя изменить судьбу, стать богаче, счастливее, родить долгожданного ребенка? ...

Сильная молитва Николаю Чудотворцу о помощи в работе и о деньгах

Николай Чудотворец – один из самых почитаемых святых в России. Помощи и заступничества у него просят люди, оказавшиеся в разных ...

Сильная молитва Николаю Чудотворцу о помощи в работе

Николай Угодник в православии считается одним из самых почитаемых святых. Молитвы к нему обладают поистине большой силой. Многие верующие отмечают ...